ന്യൂഡല്‍ഹി: കോവിഡിന് മരുന്ന് കണ്ടെത്തിതായി പതഞ്ജലി ഗ്രൂപ്പ്. പതഞ്ജലി ആയുര്‍വേദ ലിമിറ്റഡ് സഹ സ്ഥാപകനും സി.ഇ.ഒയുമായ ആചാര്യ ബാലകൃഷ്ണയാണ് ഈ അവകാശവാദവുമായി രംഗത്തെത്തിയത്. ‘കൊറോണില്‍’ എന്ന പേരിലാണ് പതഞ്ജലിയുടെ കോവിഡ് പ്രതിരോധ മരുന്ന് പുറത്തിറങ്ങുകയെന്നാണ് വിവരം.
ഈ വാക്സിന്‍ ഉപയോഗിച്ചുകൊണ്ട് അഞ്ചു മുതല്‍ 14 ദിവസത്തിനുള്ളില്‍ രോഗം ഭേദമാക്കാനാകുമെന്നും ബാലകൃഷ്ണ പറയുന്നു. ആയുര്‍വേദത്തിലൂടെ കൊവിഡ് ചികിത്സിച്ചുമാറ്റാന്‍ കഴിയുമെന്നും ഒരാഴ്ചയ്ക്കുള്ളില്‍ കമ്ബനി ഇതുസംബന്ധിച്ച തെളിവുകള്‍ പുറത്തുവിടുമെന്നും ബാലകൃഷ്ണ പറയുന്നുണ്ട്.
ക്ലിനിക്കല്‍ പരിശോധന നടത്തിയതിന്റെഫലങ്ങള്‍ അടുത്തുതന്നെ പതഞ്ജലി പുറത്തുവിടുമെന്നും ആചാര്യ ബാലകൃഷ്ണ അറിയിച്ചു. സര്‍ക്കാര്‍ നിര്‍ദേശങ്ങള്‍ക്കനുസരിച്ചാണ് പരിശോധനകള്‍ നടത്തിയത്. പരീക്ഷണങ്ങള്‍ 80 ശതമാനം വിജയം കൈവരിച്ചു. ബാലകൃഷ്ണ പറഞ്ഞു.
