ലാഹോര്‍: പാക് ക്രിക്കറ്റ് താരം ഷാഹിദ് അഫ്രീദിക്ക് കോവിഡ് 19. സമൂഹമാധ്യമങ്ങളിലൂടെ അഫ്രീദി തന്നെയാണ് ഇക്കാര്യം അറിയിച്ചത്. കഴിഞ്ഞ വ്യാഴാഴ്ച മുതല്‍ ശാരീരിക ബുദ്ധിമുട്ടുകള്‍ നേരിടുന്നതായി അഫ്രീദി പറഞ്ഞു.
അതികഠിനമായ ശരീരം വേദന അനുഭവപ്പെട്ടിരുന്നു. നിര്‍ഭാഗ്യം കൊണ്ട് കോവിഡ് പോസിറ്റീവാണെന്നാണ് പരിശോധനാ ഫലം. പെട്ടെന്ന് സുഖം പ്രാപിക്കാന്‍ നിങ്ങളുടെ പ്രാര്‍ഥനകള്‍ വേണം, അഫ്രീദി പറഞ്ഞു. കോവിഡ് ബാധ ഏല്‍ക്കുന്ന ആദ്യ പ്രമുഖ ക്രിക്കറ്റ് താരമാണ് അഫ്രീദി.
കോവിഡ് 19നെ തുടര്‍ന്നുള്ള ലോക്ക്ഡൗണില്‍ കുടുങ്ങിയപ്പോള്‍ പാവപ്പെട്ടവര്‍ക്ക് സഹായമെത്തിക്കാന്‍ അഫ്രീദി മുന്‍പിലുണ്ടായിരുന്നു. യുവരാജും, ഹര്‍ഭജനും അഫ്രീദി ഫൗണ്ടേഷനിലേക്ക് സംഭാവന നല്‍കി. എന്നാല്‍ കശ്മീരിനെ കുറിച്ചുള്ള അഫ്രീദിയുടെ പരാമര്‍ശം ഇന്ത്യന്‍ ക്രിക്കറ്റ് താരങ്ങളെ പ്രകോപിപ്പിക്കുകയും, യുവിയും ഹര്‍ഭജനും റെയ്‌നയുമെല്ലാം അഫ്രീദിക്കെതിരെ രംഗത്തെത്തുകയുമായിരുന്നു.
Pakistan former Cricketer Shahid Afridi confirmed Covid 19.
