തിരുവനന്തപുരം: ഭര്‍ത്താവും കൂട്ടുകാരും ചേര്‍ന്ന് യുവതിയെ മദ്യം നല്‍കി കൂട്ടബലാത്സംഗം ചെയ്ത സംഭവത്തില്‍ മൂന്ന് പേര്‍ കൂടി കസ്റ്റഡിയില്‍. ഭര്‍ത്താവിനെ നേരത്തെ കസ്റ്റഡിയിലെടുത്തിരുന്നു. കണിയാപുരം സ്വദേശിനിയാണ് വ്യാഴാഴ്ച കൂട്ടബലാത്സംഗത്തിന് ഇരയായത്. ചിറയിന്‍കീഴ് താലൂക്ക് ആശുപത്രിയില്‍ പ്രവേശിപ്പിച്ചിരുന്ന യുവതിയെ വീട്ടിേലക്ക് മാറ്റി. രണ്ട് കുട്ടികളുടെ മാതാവാണ് ഭര്‍ത്താവിെന്‍റയും സുഹൃത്തുക്കളുടെയും ക്രൂരതക്ക് ഇരയായയത്.
പോത്തന്‍കോട് ഉള്ള ഭര്‍ത്താവിന്‍റെ വീട്ടിലായിരുന്ന യുവതിയെ വ്യാഴാഴ്ച വൈകീട്ട് നാലോടുകൂടി ഭര്‍ത്താവ് വാഹനത്തില്‍ കയറ്റി കൊണ്ടുപോയി. കല്‍തീരത്ത് പോകാമെന്ന് പറഞ്ഞാണ് യുവതിയെ ഭര്‍ത്താവ് കൂടെ കൂട്ടിയത്.
പുതുക്കുറിച്ചിയില്‍ എത്തിച്ച്‌ ആറു പേരടങ്ങുന്ന സംഘം യുവതിക്ക് ബലംപ്രയോഗിച്ച്‌ മദ്യം നല്‍കുകയും കൂട്ടബലാത്സംഗം ചെയ്യുകയുമായിരുന്നു.
ഇവിടെനിന്ന് ഓടിരക്ഷപ്പെട്ട യുവതി വഴിയില്‍ കണ്ട വാഹനത്തിലുണ്ടായിരുന്നവരോട് സഹായം തേടി. പിന്നീട് നാട്ടുകാര്‍ യുവതിയുടെ കണിയാപുരത്തെ വീട്ടില്‍ എത്തിച്ചു. ശരീരത്തില്‍ പരിക്കുകളുണ്ടായിരുന്ന യുവതിയെ പിന്നീട് ആശുപത്രിയില്‍ പ്രവേശിപ്പിക്കുകയായിരുന്നു.
ഭര്‍ത്താവിനെ നാട്ടുകാര്‍ തടഞ്ഞ്വെച്ച്‌ കഠിനംകുളം പൊലീസിനെ ഏല്‍പിക്കുകയായിരുന്നു. ഭര്‍ത്താവിെന്‍റ മൂന്ന് സുഹൃത്തുക്കളെ കൂടി കസ്റ്റഡിയിലെടുത്ത പൊലീസ് കൂടുതല്‍ പേര്‍ സംഭവത്തില്‍ ഉള്‍പ്പെട്ടിട്ടുണ്ടോ എന്ന് പരിശോധിക്കുന്നുണ്ട്. കസ്റ്റഡിയിലുള്ള പ്രതികളുടെ അറസ്റ്റ് ഉടന്‍ രേഖപ്പെടുത്തിയേക്കും.
