തിരുവനന്തപുരം: സംസ്ഥാനത്ത് മേയ് 29 മുതല് ജൂണ് നാല് വരെ അതിശക്തമായ മഴക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. 26ന് കൊല്ലം, പത്തനംതിട്ട, ആലപ്പുഴ ജില്ലകളിലും 27ന് ആലപ്പുഴ മലപ്പുറം,കോഴിക്കോട്,വയനാട് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. മലയോര മേഖലകളില് മണ്ണിടിച്ചില് ഉണ്ടാകാനിടയുള്ളതിനാല് ജനങ്ങള് ജാഗ്രത പുലര്ത്തണം. തെക്ക് – കിഴക്ക് അറബിക്കടലിലും മാലദ്വീപിലും ലക്ഷ്വദ്വീപ് മേഖലയിലും 40 മുതല് 50 കി.മി വേഗത്തില് കാറ്റിന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുത്.
മേയ് 29 മുതല് ജൂണ് നാല് വരെ കേരളത്തില് ലഭിക്കുന്ന മഴയുടെ ദീര്ഘകാല ശരാശരി 60.6 മില്ലിമീറ്ററാണ്. എന്നാല് ഈവര്ഷം 146.8 മില്ലിമീറ്റര് ആയി ഉയരുമെന്നാണ് പ്രവചനം. അതായത് സാധാരണ മഴയേക്കാള് 142 ശതമാനം അധികമഴയാണ് ഏഴ് ദിവസത്തിനുള്ളില് പെയ്തിറങ്ങുക. ജൂണ് അഞ്ചോടുകൂടി കേരളത്തില് കാലവര്ഷമെത്തുമെന്നാണ് പ്രവചനം.
താഴെ കാണുന്ന ലിങ്കിൽ ക്ലിക്ക് ചെയ്ത് കേരള വിഷൻ വാർത്തകൾ നേരിട്ട് നിങ്ങളുടെ ഫോണിൽ ലഭ്യമാക്കാം:
https://chat.whatsapp.com/EgkAz6OxpO0AZNdLGS8MmB