നടൻ രഞ്ജിത്ത് ചൗധരി അന്തരിച്ചു. ഖൂബ്‌സൂരത്ത്, ഖഠ മീഠ, ബാത്തോൻ ബോത്തോൻ മേ, എന്നീ ചിത്രങ്ങളിൽ ചെറിയ വേഷങ്ങൾ കൈകാര്യം ചെയ്ത ഇദ്ദേഹം ഇന്നലെ വൈകീട്ടോടെയാണ് വിടവാങ്ങിയത്.
രഞ്ജിത്തിനെ കുറിച്ച് അദ്ദേഹത്തിന്റെ സഹോദരിയും തിയറ്റർ ആർടിസ്റ്റുമായ റായൽ പദംസീ എഴുതിയതിങ്ങനെ : ‘നടൻ, എഴുത്തുകാരൻ, വ്യത്യസ്ത ചിന്താഗതിക്കാരൻ…ഞങ്ങൾ നിങ്ങളെ മിസ് ചെയ്യും’. ഇന്ന് സംസ്‌കാര ചടങ്ങുകൾ നടക്കുമെന്ന് അവർ കൂട്ടിച്ചേർത്തു. ലോക്ക്ഡൗണിന് ശേഷം മെയ് 5 ന് അവരുടെ വസതിയിൽ പ്രാർത്ഥനാ ചടങ്ങുകളും സംഘടിപ്പിക്കും.
തിയറ്റർ ആർട്ടിസ്റ്റായ പേൾ പദംസിയുടെ മകനായ അദ്ദേഹത്തിന്റെ വളർത്തച്ഛൻ അലീഖ് പദംസിയും അറിയപ്പെടുന്ന തിയറ്റർ കലാകാരനാണ്. 1980-90 കാലഘട്ടത്തിൽ ചക്ര, കാലിയ, ബാൻഡിറ്റ് ക്വീൻ എന്നീ ചിത്രങ്ങളിൽ അദ്ദേഹം വേഷമിട്ടിട്ടുണ്ട്. മീര നായരുടെ മിസിസിപ്പി മസാല, ദീപ മെഹ്തയുടെ കമീല, കനേഡിയൻ ചിത്രമായ സാം ആന്റ് മി, ഹോളിവുഡ് ചിത്രങ്ങളായ ദ നൈറ്റ് വി നെവർ മെറ്റ്, ഇറ്റ് കുഡ് ഹാപ്പൻ ടി യു, ഗേൾ 6, ദ പെറെസ് ഫാമിലി എന്നിവയിലും രഞ്ജിത്ത് വേഷമിട്ടു. അമേരിക്കൻ ടിവി ഷോ ആയ പ്രിസൺ ബ്രേക്കിന്റെ ഭാഗമാകാനും അദ്ദേഹത്തിന് കഴിഞ്ഞു.
