ന്യൂഡൽഹി: രാജ്യത്ത്മെയ് 3 വരെ ലോക് ഡൗൺ നീട്ടിയതായി പ്രധാനമന്ത്രി നരേന്ദ്ര മോദി. ഏപ്രിൽ 20 വരെ കടുത്ത നിയന്ത്രണം.രോഗ വ്യാപനം കുറഞ്ഞ ഇടങ്ങളിൽ ഏപ്രിൽ 20 ന് ശേഷം ഉപാധീ കളോടെ ചില ഇളവുകൾ ഉണ്ടാകും. 19 ദിവസം കൂടി ലോക്ക് ഡൗൺ രാജ്യത്ത് തുടരും.
സംസ്ഥാനങ്ങൾ ഉത്തരവാദിത്തത്തോടെയാണ് ഇടപെട്ടതെന്നും രാജ്യത്തിന് ഇനിയും സഞ്ചരിക്കാനുണ്ടെന്നും പ്രധാനമന്ത്രി.
എല്ലാ ജനങ്ങളുടെയും ത്യാഗത്തിന്‍റെ ഫലമായി രാജ്യത്ത് കൊവിഡ് കൊണ്ടുണ്ടാകുന്ന പ്രത്യാഘാതങ്ങളെ ഒരു വലിയ പരിധി വരെ പ്രതിരോധിക്കാനായെന്ന് പ്രധാനമന്ത്രി. നിങ്ങളുടെ ത്യാഗം രാജ്യത്തെ രക്ഷിക്കുകയാണ്. നിങ്ങൾക്ക് എത്രത്തോളം ബുദ്ധിമുട്ടുണ്ടാകുന്നുണ്ടെന്ന് എനിക്ക് മനസിലാകന്നുണ്ട്, പലരും വീട്ടിൽ നിന്ന് അകന്ന് നിൽക്കുകയാണ്,
ഭക്ഷണത്തിന് പോലും ബുദ്ധിമുട്ട് നേരിടുന്നതായി പ്രധാനമന്ത്രി. ഒരു പട്ടാളക്കാരനെ പോലെ ദൗത്യം നിർവഹിക്കുന്ന നിങ്ങളെയെല്ലാവരെയും ആദരപൂർവ്വം നമിക്കുന്നുവെന്നും മോദി.
