തിരുവനന്തപുരം: കോവിഡ് വൈറസ് പടരുന്ന പശ്ചാത്തലത്തില് സംസ്ഥാനം കടുത്ത സാമ്പത്തിക പ്രതിസന്ധി നേരിടുകയാണെന്ന് മുഖ്യമന്ത്രി പിണറായി വിജയന്. ഇതു സംബന്ധിച്ച് പ്രധാനമന്ത്രിയെ കത്തിലൂടെ അറിയിച്ചതായി മുഖ്യമന്ത്രി വാര്ത്താസമ്മേളനത്തില് പറഞ്ഞു.
എല്ലാ സംസ്ഥാനങ്ങളിലും ഇതേ അവസ്ഥയാണ്. സംസ്ഥാനത്തിന്റെ വരുമാനം നിലച്ചു. പൊതുജനാരോഗ്യത്തിനുള്ള ചെലവ് വര്ദ്ധിച്ചു, ഈ ഘട്ടത്തില് ഓപ്പണ് മാര്ക്കറ്റില് നിന്നും വായ്പ എടുത്ത് മാത്രമേ ഇനി സംസ്ഥാനത്തിന് മുന്നോട്ട് പോവാനാവൂ എന്ന നിലയാണുള്ളത്. സംസ്ഥാനങ്ങള്ക്ക് സ്പെഷ്യല് പാന്ഡമിക് റിലീഫ് ബോണ്ട് വെയ്ക്കാനുള്ള അനുവാദം നല്കുക, സംസ്ഥാനത്തിന്റെ വായ്പാപരിധി 5 ശതമാനമായി ഉയര്ത്തുക, പകര്ച്ചവ്യാധി പ്രതിരോധത്തിനും പുനര്നിര്മാണത്തിനും പുറത്തുനിന്നുള്ള ഏജന്സികളില് നിന്നും വാങ്ങുന്ന വായ്പയെ സംസ്ഥാനത്തിന്റെ വായ്പാ പരിധിയില് നിന്നും ഒഴിവാക്കുക എന്നീ ആവശ്യങ്ങള് കത്തില് ഉന്നയിച്ചതായും മുഖ്യമന്ത്രി വ്യക്തമാക്കി.