ന്യൂഡല്ഹി: കോവിഡ്-19യുടെ പശ്ചാത്തലത്തില് മെഡിക്കല് പ്രവേശന പരീക്ഷയായ നാഷണല് എലിജിബിലിറ്റി കം എന്ട്രന്സ് ടെസ്റ്റ് (നീറ്റ് യുജി) മാറ്റിവച്ചു. മേയ് മൂന്നിനായിരുന്നു പരീക്ഷ നിശ്ചയിച്ചിരുന്നത്. ഇത് മേയ് അവസാന വാരത്തിലേയ്ക്കാണ് മാറ്റിയിരിക്കുന്നത്.
ലോക്ക്ഡൗണ് പ്രഖ്യാപിച്ചിരിക്കുന്നതിനാല് ഏപ്രില് 15നുശേഷം സ്ഥിതിഗതികള് വിലയിരുത്തിയശേഷമേ അഡ്മിറ്റ് കാര്ഡ് വിതരണം ചെയ്യു. പരീക്ഷ എഴുതാനായി വിദ്യാര്ഥികള്ക്കും രക്ഷിതാക്കള്ക്കും വിവിധ സ്ഥലങ്ങളിലേക്ക് സഞ്ചരിക്കേണ്ട സാഹചര്യമുണ്ടാകുമെന്നും ഈ അസൗകര്യം പരിഗണിച്ചാണ് പരീക്ഷ മാറ്റിവയ്ക്കുന്നതെന്നും കേന്ദ്രമന്ത്രി രമേഷ് പൊഖ്രിയാല് നിഷാങ്ക് ട്വിറ്ററില് കുറിച്ചു.
നീറ്റ് പരീക്ഷ മാറ്റിവച്ചു
By
March 27, 2020 11:38 pm