തിരുവനന്തപുരം: സിബിഎസ്‌ഇ പത്താം ക്ലാസ് പരീക്ഷയില്‍ ബിജെപിയുടെ സവിശേഷതകള്‍ വിവരിക്കാനാവശ്യപ്പെട്ടു ചോദ്യം. ബുധനാഴ്ച നടന്ന സാമൂഹ്യശാസ്ത്രം പരീക്ഷയിലാണു ബിജെപിയുടെ സവിശേഷതകള്‍ വിവരിക്കാന്‍ ആവശ്യപ്പെട്ടത്. സെക്ഷന്‍ സി വിഭാഗത്തിലായിരുന്നു ചോദ്യം. ഈ വിഭാഗത്തിലെ പല ചോദ്യങ്ങളും ഓപ്ഷണലാണെങ്കിലും ബിജെപിയെ സംബന്ധിച്ച ചോദ്യം ഓപ്ഷണലല്ല.
അഞ്ചു മാര്‍ക്കിനുള്ള ചോദ്യമായിരുന്നു ഇത്. രാഷ്ട്രീയ പാര്‍ട്ടികളെ കുറിച്ച്‌ പഠിക്കാന്‍ സിലബസിലുണ്ടെങ്കിലും ഇത്തരമൊരു ചോദ്യം വിചിത്രമാണെന്ന് വിദ്യാര്‍ഥികളും രക്ഷിതാക്കളും പറയുന്നു.
