ബദിയടുക്ക: വിവാഹ നിശ്ചയത്തിന് തലേനാള്‍ യുവതിയുടെ വീട്ടിലെത്തിയ യുവാവ് ലൈംഗിക പീഡനത്തിനിരയാക്കിയതായി പരാതി. ഇടനിലക്കാരന്‍ മുഖേന കാഞ്ഞങ്ങാട് സ്വദേശിയെന്ന് പരിചയപ്പെടുത്തിയ സിദ്ദീഖ് ഉസ്താദ് എന്നയാള്‍ക്കെതിരെ ബദിയടുക്ക പോലീസ് സ്റ്റേഷന്‍ പരിധിയിലെ 26കാരിയാണ് പരാതി നല്‍കിയത്. വൈകിട്ട് സംസാരിക്കാനെന്ന് പറഞ്ഞ് ക്വാര്‍ട്ടേഴ്സിലെത്തിയ യുവാവ് നാലു മണിക്കൂറോളം യുവതിയുമായി മുറിയില്‍ കഴിഞ്ഞതായും വിവാഹ വാഗ്ദാനം നല്‍കി പീഡിപ്പിക്കുകയും ചെയ്തുവെന്നാണ് പരാതി. സംഭവത്തില്‍ പോലീസ് കേസെടുത്തതോടെ പ്രതി നാട്ടില്‍ നിന്നും മുങ്ങിയിരിക്കുകയാണ്.
യുവതിയും മൂത്ത സഹോദരിയും അവരുടെ മകളുമാണ് ക്വാര്‍ട്ടേഴ്സില്‍ താമസിക്കുന്നത്. കഴിഞ്ഞ മാസം 25നാണ് യുവതിയെ പെണ്ണുകണ്ടത്. രണ്ടു ദിവസം കഴിഞ്ഞത് വിവാഹ നിശ്ചയം തീരുമാനിക്കുകയായിരുന്നു. നിശ്ചയത്തിന്റെ തലേനാള്‍ വീട്ടിലെത്തിയ യുവാവ് വീട്ടില്‍ വെച്ച് ബലമായി ലൈംഗിക പീഡനത്തിനിരയാക്കുകയായിരുന്നു. പ്രതിയുടെ ഫോണ്‍ നമ്പറും മറ്റു വിവരങ്ങളും യുവതി പോലീസിന് കൈമാറിയിട്ടുണ്ട്. പ്രതിയെ ഉടനെ കണ്ടെത്താനാവുമെന്നാണ് പോലീസ് പറയുന്നത്.
കേരളത്തിൽ ഏറ്റവും കൂടുതൽ വായിക്കപ്പെടുന്ന വാട്സ്ആപ്പ് വാർത്തകൾ ഇനി നിങ്ങൾക്കും. താഴെ കാണുന്ന ലിങ്കിൽ ക്ലിക്ക് ചെയ്ത് ഗ്രൂപ്പിൽ ചേരാം:
https://chat.whatsapp.com/GuudxtLhAiIG4uoIVbclOR
