തിരുവനന്തപുരം: തമ്പാനൂരിലെ പിഎസ്സി പരിശീലന കേന്ദ്രങ്ങളിൽ വിജിലൻസ് റെയ്ഡ്. സെക്രട്ടറിയേറ്റിലെ ഉദ്യോഗസ്ഥർ പിഎസ്സി പരിശീലന കേന്ദ്രങ്ങൾ നടത്തുന്നു എന്ന വിവരത്തെ തുടർന്നാണു റെയ്ഡ് നടത്തിയത്. ഫയര്ഫോഴ്സ് ഉദ്യോഗസ്ഥര് ക്ലാസെടുക്കുന്നതായി വിജിലന്സ് കണ്ടെത്തി. ഉദ്യോഗസ്ഥന്റെ വിവരങ്ങള് വകുപ്പ് മേധാവിയെ അറിയിക്കും. രസീത് ബുക്ക്, പണം, ബാങ്ക് രേഖകള് എന്നിവ പിടിച്ചെടുത്തു. സെക്രട്ടറിയേറ്റ് പൊതുഭരണവകുപ്പിലെ അസിസ്റ്റന്റ് തസ്തികയിൽ ജോലിനോക്കുന്ന മൂന്നു പേർക്കെതിരെയാണു പരാതി ഉയർന്നത്. ഇതിൽ രണ്ടുപേർ ദീർഘകാല അവധിയെടുത്താണു പരിശീലന കേന്ദ്രം നടത്തുന്നത്. മറ്റുള്ളവരുടെ പേരിലാണ് ഇവർ സ്ഥാപനങ്ങൾ രജിസ്റ്റർ ചെയ്തിട്ടുള്ളത്. ആരോപണ വിധേയരായ ഉദ്യോഗസ്ഥർക്കെതിരെ അന്വേഷണം നടത്തണമെന്ന ശുപാർശ ഫെബ്രുവരി ആദ്യം പിഎസ്സി സെക്രട്ടറി പൊതുഭരണവകുപ്പ് സെക്രട്ടറിക്ക് നൽകിയിരുന്നു. പൊതുഭരണവകുപ്പ് പരാതി വിജിലൻസിന് കൈമാറുകയായിരുന്നു. വിജിലൻസ് റിപ്പോർട്ടിന്റെ അടിസ്ഥാനത്തിലാകും തുടർ നടപടികൾ.
കേരളത്തിൽ ഏറ്റവും കൂടുതൽ വായിക്കപ്പെടുന്ന വാട്സ്ആപ്പ് വാർത്തകൾ നിങ്ങൾക്ക് ലഭിക്കാൻ ക്ലിക്ക് ചെയ്യുക:
https://chat.whatsapp.com/BJc0Xq2qnfqItFdCgqj2tx