കണ്ണൂർ:ഒന്നര വയസ്സുകാരനായ വിയാന്റെ കൊലപാതക കേസിൽ തെളിവെടുപ്പ് തുടരവെ തയ്യിലിലെ വീട്ടിലും പരിസരത്തും ശരണ്യക്കെതിരെ നാട്ടുകാരുടെ വൻ പ്രതിഷേധം.ശരണ്യയെ തെളിവെടുപ്പിന് കൊണ്ട് വന്നപ്പോളാണ് പ്രതിഷേധം ഉയർന്നത്. കുഞ്ഞിനെ വലിച്ചെറിഞ്ഞ പാറക്കൂട്ടത്തിനിടയിലും പോലീസ് തെളിവെടുപ്പ് നടത്തി.ശരണ്യയെ തൂക്കിക്കൊല്ലണമെന്ന് ശരണ്യയുടെ അച്ഛൻ.കുഞ്ഞിനെ കൊന്ന മകളെ ഇനി വേണ്ടെന്നും അച്ഛൻ
അതേ സമയം കൊല നടത്തിയത് ശരണ്യ തനിച്ച് ആണെന്ന് പോലീസ് പറഞ്ഞു . ഭർത്താവിനും കാമുകനും കൊലയിൽ പങ്കില്ല.
അമ്മ ശരണ്യയുടെ ഫോണിലേക്ക് പൊലീസ് കസ്റ്റഡിയില് കഴിയുമ്പോഴും കാമുകന്റെതായി എത്തിയത് 17 മിസ്ഡ് കോളുകള്. അതേസമയം ശരണ്യയുടെ ഫോണ് പരിശോധിച്ച പൊലീസിന് കാമുകനൊപ്പം ജീവിക്കാനുള്ള ആഗ്രഹത്താലാണ് ശരണ്യ സ്വന്തം മകനെ കൊലപ്പെടുത്തിയതെന്ന് സൂചിപ്പിക്കുന്ന തെളിവുകള് ലഭിച്ചു. നിര്ണ്ണായകമായത് ശരണ്യയും വാരം സ്വദേശിയായ കാമുകനുമായി ശരണ്യ നടത്തി ഓണ്ലൈന് ചാറ്റുകളാണ്.
ശരണ്യ ഗര്ഭിണിയായ ശേഷം ഭര്ത്താവ് പ്രണവ് ഒരു വര്ഷം ഗള്ഫില് ജോലിക്ക് പോയിരുന്നു. പിന്നീട് തിരിച്ചെത്തിയപ്പോഴാണ് ഇരുവരുടെയും ദാമ്പത്യത്തില് വിള്ളലുകള് ഉണ്ടായത്. ഈ അവസരത്തിലാണ് ഭര്ത്താവിന്റെ സുഹൃത്തുകൂടിയായ യുവാവിനോട് ശരണ്യ അടുക്കുന്നത്. ഫേസ്ബുക്ക് ചാറ്റിംഗിലൂടെ പ്രണയത്തിലായ ശരണ്യയെ വിവാഹം കഴിക്കാം എന്ന് കാമുകന് വാഗ്ദാനം നല്കിയിരുന്നു എന്നാണ് പൊലീസ് പറയുന്നത്. എന്നാല് മകനെ ഉപേക്ഷിക്കാന് ഇയാള് നിര്ബന്ധിച്ചില്ലെന്നാണ് പൊലീസ് പറയുന്നത്.
തയ്യിൽ കൊടുവള്ളി ഹൗസിൽ ശരണ്യ -പ്രണവ് ദമ്പതികളുടെ മകൻ വിയാന്റെ മൃതദേഹം കഴിഞ്ഞദിവസമാണ് തയ്യിൽ കടപ്പുറത്ത് കണ്ടെത്തിയത്. കടലിനോട് ചേര്ന്നുള്ള പാറക്കെട്ടിലാണ് കുട്ടിയുടെ മൃതദേഹം കണ്ടെത്തിയത്. തലയ്ക്കേറ്റ ക്ഷതത്തെ തുടര്ന്നാണ് മരണം സംഭവിച്ചത് എന്ന് പോസ്റ്റ്മോര്ട്ടം റിപ്പോര്ട്ടില് വ്യക്തമായിരുന്നു. അടച്ചിട്ട വീട്ടില് അച്ഛനൊപ്പം കിടന്നുറങ്ങിയ കുട്ടിയെ കടല്തീരത്ത് മരിച്ച നിലയില് കണ്ടെത്തിയതില് ദുരൂഹതയുണ്ടെന്ന് ആരോപിച്ച് കുട്ടിയുടെ പിതാവ് ആദ്യം തന്നെ പൊലീസില് പരാതി നല്കിയിരുന്നു.
കേരളത്തിൽ ഏറ്റവും കൂടുതൽ വായിക്കപ്പെടുന്ന വാട്സ്ആപ്പ് വാർത്തകൾ നിങ്ങൾക്ക് ലഭിക്കാൻ ക്ലിക്ക് ചെയ്യുക:
https://chat.whatsapp.com/BJc0Xq2qnfqItFdCgqj2tx
![](https://keralavisiontv.com/wp-content/uploads/2018/04/logo-1.jpg)