ദില്ലി: നിര്ഭയ കേസില് പ്രതി പവന് ഗുപ്ത നല്കിയ പുനഃപരിശോധന ഹര്ജി സുപ്രീംകോടതി തള്ളി. സംഭവം നടക്കുമ്പോള് തനിക്ക് പ്രായപൂര്ത്തിയായിരുന്നില്ല എന്ന് കാണിച്ചാണ് ഹര്ജി നല്കിയത്.
മരണ വാറണ്ട് അനിശ്ചിതമായി സ്റ്റേ ചെയ്യണമെന്ന്, പ്രതികള്ക്കു വേണ്ടി ഹാജരായ എപി സിങ് ആവശ്യപ്പെട്ടു. കുറ്റക്കാരെന്നു കണ്ടെത്തിയ ഇവര് ഭീകരര് അല്ലെന്ന് എപി സിങ് പറഞ്ഞു.
ഒരു കേസില് ഒന്നിലേറെപ്പേര് വധശിക്ഷയ്ക്കു വിധിക്കപ്പെട്ടാല്, എല്ലാവരും നിയമപരമായി സാധ്യമായ പരിഹാര മാര്ഗങ്ങള് തേടിയ ശേഷം മാത്രമേ ശിക്ഷ നടപ്പാക്കാവൂ എന്ന് ജയില് ചട്ടം വ്യക്തമാക്കുന്നുണ്ടെന്ന് എപി സിങ് വാദിച്ചു.