ന്യൂഡല്ഹി: നിര്ഭയക്കേസില് ദയാ ഹര്ജി തള്ളിയതിനെതിരായ ഹര്ജി ഉടന് കേള്ക്കണമെന്ന് സുപ്രീംകോടതിയോട് പ്രതി മുകേഷ് സിംഗ്. ഫെബ്രുവരി ഒന്നിന് മരണവാറണ്ട് ഉള്ളതിനാൽ ഹർജി വേഗത്തിൽ കേൾക്കാമെന്നാണ് സുപ്രീംകോടതി വ്യക്തമാക്കിയിരിക്കുന്നത്. മുകേഷ് സിംഗ് നൽകിയ ദയാഹര്ജി കഴിഞ്ഞ പതിനേഴിനാണ് രാഷ്ട്രപതി തള്ളിയത്. വിശദമായ പരിശോധനയില്ലാതെയാണ് ദയാഹര്ജി രാഷ്ട്രപതി തള്ളിയതെന്നാണ് സുപ്രീംകോടതിയിലെ ഹര്ജിയിൽ പറയുന്നത്.
ഫെബ്രുവരി ഒന്നിന് വധശിക്ഷ നടപ്പാക്കുന്നത് മാറ്റിവയ്ക്കണമെന്നും ഹര്ജിയിൽ ആവശ്യപ്പെടുന്നു.