കോണ്ഗ്രസ് ജനറല് സെക്രട്ടറി പ്രിയങ്കാ ഗാന്ധിയെ ഉത്തര്പ്രദേശ് പോലീസ് വഴിയില് തടഞ്ഞ സംഭവത്തില് പ്രതിഷേധം ശക്തമാകുന്നു. തനിക്കു നേരെയുണ്ടായ പോലീസ് അതിക്രമത്തില് പ്രിയങ്ക ഗാന്ധി ഉത്തര്പ്രദേശ് ഗവര്ണര് ആനന്ദിബെന് പട്ടേലിന് പരാതി നല്കി.
പൗരത്വഭേദഗതി നിയമത്തിനെതിരെയുള്ള പ്രതിഷേധത്തിനിടെ അറസ്റ്റിലായ മുന് ഐപിഎസ് ഓഫീസര് എസ്.ആര്.ദാരാപുരിയുടേ കുടുംബത്തെ സന്ദര്ശിക്കുന്നതിന് വേണ്ടി പോകുന്നതിനിടെയാണ് യുപി പോലീസ് പ്രിയങ്കയെ തടഞ്ഞത്.