ജാര്ഖണ്ഡില് ഹേമന്ത് സോറന്റെ നേതൃത്വത്തിലുള്ള 12 അംഗ മന്ത്രിസഭ ഇന്ന് സത്യപ്രതിജ്ഞ ചെയ്ത് അധികാരമേല്ക്കും. റാഞ്ചി മൊറാബാദ് മൈതാനിയില് നടക്കുന്ന ചടങ്ങില് ബംഗാള് മുഖ്യമന്ത്രി മമതാ ബാനര്ജി, രാഹുല് ഗാന്ധി, ശരത്പവാര് തുടങ്ങിയ നേതാക്കളെത്തിയേക്കും. സോണിയാ ഗാന്ധിയടക്കമുള്ള രാജ്യത്തെ പ്രമുഖരായ കോണ്ഗ്രസ്സ് നേതാക്കളെ സത്യപ്രതിജ്ഞ ചടങ്ങിലേക്ക് ഹേമന്ത് സോറന് ക്ഷണിച്ചിട്ടുണ്ട്. മുഖ്യമന്ത്രി ഹേമന്ത് സോറനടക്കം 12 മന്ത്രിമാരാണ് സത്യപ്രതിജ്ഞ ചെയ്യുക. ജെഎംഎമ്മിന് മുഖ്യമന്ത്രി കൂടാതെ അഞ്ചുമന്ത്രിമാരുണ്ടാകും. കോണ്ഗ്രസ്സിന് അഞ്ചുമന്ത്രിമാരും സ്പീക്കറും. ഒരു സീറ്റ് നേടിയ ആര്ജെഡിക്കും മന്ത്രിസ്ഥാനം കിട്ടും. ജെഎംഎമ്മിന് മുപ്പതും കോണ്ഗ്രസ്സിന് 16 ഉം അടക്കം 47 സീറ്റുകളാണ് മഹാസഖ്യത്തിന് കിട്ടിയത്. മൂന്ന് സീറ്റുകള് നേടിയ ജെവിഎം മഹാസഖ്യത്തിന് പിന്തുണ നല്കിയതോടെ സര്ക്കാരിന് 50 അംഗങ്ങളുടെ പിന്തുണയുണ്ട്.
ജാര്ഖണ്ഡില് ഹേമന്ത് സോറന് മന്ത്രിസഭ ഇന്ന് സത്യപ്രതിജ്ഞ ചെയ്ത് അധികാരമേല്ക്കും
By
December 29, 2019 7:38 am