തിരുവനന്തപുരം: പൗരത്വ ബില്ലിനെതിരായ പ്രതിഷേധങ്ങളെ വിമര്‍ശിച്ച കരസേന മേധാവി ബിപിന്‍ റാവത്തിനെതിരെ വിമര്‍ശനവുമായി കോണ്‍ഗ്രസ് പ്രവര്‍ത്തക സമിതിയംഗം പി ചിദംബരം. കരസേനാ മേധാവി വായടയ്ക്കണമെന്നും സ്വന്തം ജോലി ചെയ്താല്‍ മതിയെന്നും രാഷ്ട്രീയക്കാരെ പഠിപ്പിക്കാന്‍ വരരുതെന്നും ചിദംബരം പറഞ്ഞു. ഞങ്ങള്‍ രാഷ്ട്രീയം സംസാരിക്കാമെന്നും താങ്കള്‍ അതില്‍ ഇടപെടേണ്ടെന്നും യുദ്ധം ചെയ്യേണ്ടത് എങ്ങനെയെന്ന് രാഷ്ട്രീയക്കാര്‍ നിര്‍ദ്ദേശിക്കാറുണ്ടോ എന്നും ചിദംബരം ചോദിച്ചു.
