തിരുവനന്തപുരം: മംഗളൂരുവില് മലയാളി മാധ്യമപ്രവര്ത്തകരെ കസ്റ്റഡിയിലെടുത്ത സംഭവത്തില് പ്രതികരണവുമായി ഡിജിപി ലോക്നാഥ് ബെഹ്റ. കര്ണാടകയിലെ ഉന്നത ഉദ്യോഗസ്ഥരുമായി സംസാരിച്ചു വരികയാണെന്നും മാധ്യമപ്രവര്ത്തകരുടെ സുരക്ഷ ഉറപ്പാക്കാന് നടപടിയെടുക്കുമെന്നും ഡിജിപി വ്യക്തമാക്കി. കര്ണാടക ഡിജിപിയോടും സ്ഥിതി ചര്ച്ച ചെയ്യും. സിറ്റി പൊലീസ് കമ്മീഷണറുടെ നേതൃത്വത്തിലാണ് മാധ്യമപ്രവര്ത്തകരെ കസ്റ്റഡിയിലെടുത്തത്. മൊബൈല് ഫോണും ക്യാമറയും അടക്കമുള്ള ഉപകരണങ്ങളും പോലീസ് പിടിച്ചെടുത്തു. കഴിഞ്ഞ ദിവസം മംഗലാപുരത്തെ സംഘര്ഷത്തില് കൊല്ലപ്പെട്ടവരുടെ മൃതദേഹങ്ങള് സൂക്ഷിച്ചിരിക്കുന്ന വെന്ലോക്ക് ആശുപത്രിക്ക് സമീപം വെച്ചാണ് മാധ്യമപ്രവര്ത്തകരെ കസ്റ്റഡിയിലെടുത്തത്.
മംഗളൂരുവില് കസ്റ്റഡിയിലെടുത്ത മാധ്യമപ്രവര്ത്തകരുടെ സുരക്ഷ ഉറപ്പാക്കാന് നടപടിയെടുക്കുമെന്ന് ഡിജിപി
By
December 20, 2019 10:42 am