കൊച്ചി : മൊബൈല് ഫോണ് കോള്, ഇന്റര്നെറ്റ് നിരക്ക് വര്ധന ഇന്ന് മുതല് പ്രാബല്യത്തില് വരും. 42 ശതമാനമാണ് നിരക്കുകളില് വരുന്ന വര്ധന. മൊബൈല്ഫോണ് സേവന ദാതാക്കളായ വൊഡാഫോണ് ഐഡിയയാണ് ആദ്യം നിരക്ക് കൂട്ടുക.
പുതിയ നിരക്ക് അനുസരിച്ച് വോഡഫോണ് ഐഡിയ, എയര്ടെല് എന്നിവയുടെ വിവിധ പ്ലാനുകളില് ആയി പ്രതിദിനം 50 പൈസ മുതല് 2.85 രൂപ വരെ വര്ധിക്കും. ഇനി മറ്റു മൊബൈലുകളിലേക്ക് വിളിക്കുന്ന പരിധിയില്ലാത്ത കോളുകള്ക്കും നിയന്ത്രണമാകും. മികച്ച പ്രതികരണം ലഭിച്ചിരുന്ന 199 രൂപയുടെ പ്ലാനിന് പകരം 249 രൂപയുടെ പ്ലാനാണ് ഇനി ലഭിക്കുക.