തിരുവനന്തപുരം: തിരുവനന്തപുരം മൂന്നാം നമ്പര്‍ കോടതി മജിസ്ട്രറ്റ് ദീപ മോഹനെ തടഞ്ഞ അഭിഭാഷകര്‍ക്കെതിരെ ജാമ്യമില്ലാ വകുപ്പ് പ്രകാരം കേസെടുത്തതില്‍ പ്രതിഷേധിച്ച്‌
ഇന്ന് തിരുവനന്തപുരം ജില്ലയിലെ അഭിഭാഷകര്‍ കോടതി ബഹിഷ്കരിക്കും. വഞ്ചിയൂര്‍ കോടതിയില്‍ മജിസ്ട്രേറ്റിനെ തടഞ്ഞുവച്ച സംഭവത്തില്‍ 10 അഭിഭാഷകര്‍ക്കെതിരെ പോലീസ് കേസെടുത്തിരുന്നു.
മജിസ്ട്രേറ്റിന്‍റെ പരാതിയുടെ അടിസ്ഥാനത്തിലാണ് ബാര്‍ അസോസിയേഷന്‍ പ്രസിഡന്‍റ് കെ.പി. ജയചന്ദ്രനും മറ്റു ഭാരവാഹികളും അടക്കം കണ്ടാലറിയാവുന്ന 10 അഭിഭാഷകരെ പ്രതികളാക്കി വഞ്ചിയൂര്‍ പോലീസ് കേസെടുത്തത്.
