കോഴിക്കോട്: മാവോയിസ്റ്റ് ബന്ധം ആരോപിച്ച് യുഎപിഎ ചുമത്തി അറസ്റ്റ് ചെയ്ത അലന് ഷുഹൈബിന്റെയും താഹ ഫസലിന്റെയും ജാമ്യാപേക്ഷ ഹൈക്കോടതി ഇന്ന് പരിഗണിക്കും. കേസ് ഡയറി അന്വേഷണ സംഘം കോടതിയില് സമര്പ്പിച്ചു. മാവോയിസ്റ്റ് അനുകൂല ലഘുലേഖകള് കൈവശം വെച്ചതിനാണ് ഇവരെ അറസ്റ്റ് ചെയ്തത്.
ഇരുവരുടേയും കസ്റ്റഡി കാലാവധി നേരത്തെ നീട്ടിയിരുന്നു. വിശദമായി ചോദ്യം ചെയ്യാനും, തെളിവെടുപ്പിനുമായി തിങ്കളാഴ്ച വരെയായിരുന്നു ഇരുവരെയും കസ്റ്റഡിയില് വിട്ടത്. കേസില് ഇരുവരുടെയും വീടുകളില് നിന്ന് പിടിച്ചെടുത്ത ലഘുലേഖകളോ പോസ്റ്ററുകളോ യുഎപിഎ ചുമത്താന് മാത്രം ഗൗരവമുള്ളതല്ലെന്നാണ് പ്രതികള് കോടതിയെ അറിയിച്ചിട്ടുള്ളത്.