പത്തനംതിട്ട: യുവതികള് ശബരിമലയിലേക്കു വന്നാല് തടയുമെന്ന് ജനപക്ഷം ചെയര്മാന് പിസി ജോര്ജ് എംഎല്എ. ഒരു രാഷ്ട്രീയ പാര്ട്ടിക്കും ഒപ്പമായിരിക്കില്ല തന്റെ പ്രതിഷേധമെന്നും പിസി ജോര്ജ് പറഞ്ഞു.
ശബരിമല പുനപ്പരിശോധനാ ഹര്ജികളിലെ സുപ്രീം കോടതി വിധി സ്വാഗതാര്ഹമാണെന്ന് പിസി ജോര്ജ് അഭിപ്രായപ്പെട്ടു. വിശ്വാസം സംരക്ഷിക്കപ്പെടുന്ന ഉറപ്പ് ഇപ്പോള് ഉണ്ടായിട്ടുണ്ട്. ശബരിമലയില് ഇനിയും സംഘര്ഷം ഉണ്ടാക്കരുത്. മുഖ്യമന്ത്രി പിണറായി വിജയന് ഇപ്പോള് കുറച്ചു വിശ്വാസമൊക്കെ വന്നിട്ടുണ്ടെന്ന് പിസി ജോര്ജ് അഭിപ്രായപ്പെട്ടു. മഞ്ചേശ്വരം ഉപതെരഞ്ഞടുപ്പിലെ സ്ഥാനാര്ഥി അതിന് ഉദാഹരണമാണ്.