പത്തനംതിട്ട: മണ്ഡല കാലത്തിന്റെ വിശുദ്ധിയുമായി ശബരിമല നട 16 ന് തുറക്കും. കറുപ്പും കാവിയുമുടുത്ത് ദക്ഷിണേന്ത്യയുടെ ഒഴുക്ക് മുഴുവന്‍ ഇനി വ്രതനിഷ്ഠയുടെ പൂര്‍ണിമയിലേക്ക്. ഭക്തലക്ഷങ്ങളെ വരവേല്‍ക്കാന്‍ സന്നിധാനവും നിലയ്ക്കലും ഒരുങ്ങുന്നു.
16 ന് വൈകിട്ട് 5 ന് മേല്‍ശാന്തി വി.എന്‍.വാസുദേവന്‍ നമ്പൂതിരിയാണ് നട തുറക്കുക. ഇത്തവണത്തെ മണ്ഡലപൂജ ഡിസംബർ 27ന് ഉച്ചയ്ക്ക് തങ്കഅങ്കി ചാർത്തി നടക്കും. മണ്ഡലപൂജയ്ക്കു ശേഷം അന്ന് രാത്രി 10ന് നട അടയ്ക്കും. പിന്നെ മകരവിളക്കിനായി ഡിസംബർ 30 ന് വൈകിട്ട് 5 ന് നട തുറക്കും.
