സംസ്ഥാനത്ത് ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാല് ഇന്ന് ഏഴ് ജില്ലകളില് യെല്ലോ അലര്ട്ട്. മുപ്പതാം തീയതി കൊല്ലം, ഇടുക്കി ജില്ലകളില് ഓറഞ്ച് അലര്ട്ടും പ്രഖ്യാപിച്ചു. ശക്തമായ കാറ്റിനും കടല്ക്ഷോഭത്തിനും സാധ്യതയുള്ളതിനാല് കടലില് പോകരുതെന്ന് മത്സ്യത്തൊഴിലാളികള്ക്ക് മുന്നറിയിപ്പുണ്ട്.
ബുധനാഴ്ചയോടെ തെക്കുകിഴക്കന് അറബിക്കടലില് ലക്ഷദ്വീപിനടുത്തായി വീണ്ടും ന്യൂനമര്ദ്ദം രൂപം കൊള്ളുമെന്നാണ് കാലാവസ്ഥ വകുപ്പിന്റെ പ്രവചനം. ഇന്ന് മുതല് ബുധനാഴ്ച വരെ കേരളതീരത്തും തെക്കുകിഴക്കന് അറബിക്കടല്, ലക്ഷദ്വീപ്, മാലിദ്വീപ് മേഖലകളിലും മണിക്കൂറില് 60 കിലോമീറ്റര് വരെ വേഗത്തില് കാറ്റ് വീശാനിടയുണ്ട്. അതിനാല് ഈ മേഖലകളില് മത്സ്യബന്ധനത്തിന് പോകരുത്. ബുധനാഴ്ച കൊല്ലം, ഇടുക്കി ജില്ലകളില് തീവ്രമായ മഴക്ക് സാധ്യതയുള്ളതിനാല് ഓറഞ്ച് അലര്ട്ട് പ്രഖ്യാപിച്ചു.