കൊച്ചി: പുല്ലേപ്പടിയില് 10 വയസുകാരനെ കുത്തിക്കൊന്ന കേസില് പ്രതി അജി ദേവസ്യക്ക് ജീവപര്യന്തം തടവും 25,000 രൂപ പിഴയും. എറണാകുളം പോക്സോ കോടതിയാണ് ശിക്ഷ വിധിച്ചത്. തുക കൊല്ലപ്പെട്ട റിസ്റ്റിയുടെ അമ്മയ്ക്ക് കൈമാറണമെന്നും കോടതി നിര്ദ്ദേശിച്ചു. 2016 ഏപ്രില് 26 ന് പുലര്ച്ചെയാണ് വീടിന് സമീപത്തെ കടയിലേക്ക് പോകുമ്പോള് റിസ്റ്റിയെ അയല്വാസിയായ പ്രതി അജി ദേവസ്യ കുത്തിക്കൊന്നത്.
ലഹരിക്ക് അടിമയായിരുന്ന അജി കുടുംബാംഗങ്ങളെ ഉപദ്രവിക്കുമ്പോള് അവരുടെ രക്ഷക്കെത്തിയത് അയല്വാസിയായ ജോണ് ആയിരുന്നു. ലഹരിമരുന്ന് വാങ്ങാനും പണം ചോദിച്ചുതുടങ്ങിയപ്പോള് ജോണ് ഒഴിവാക്കി. ഇതോടെ തോന്നിയ വൈരാഗ്യമാണ് ജോണിന്റെ മകന് റിസ്റ്റിയെ കൊലപ്പെടുത്താന് കാരണം. കുട്ടിയെ ഇടതുകൈ കൊണ്ട് വട്ടം ചുറ്റിപ്പിടിച്ച ഇയാള് കഴുത്തില് തുടര്ച്ചയായി കുത്തുകയായിരുന്നു. സെന്റ് ആല്ബര്ട്സ് സ്കൂളിലെ 5-ാം ക്ലാസ് വിദ്യാര്ത്ഥിയായിരുന്നു റിസ്റ്റി.