കോണ്‍ഗ്രസ് നേതാവ് രണ്‍ദീപ് സുര്‍ജേവാലയ്ക്ക് തോൽവി. ഹരിയാനയിലെ കൈതാല്‍ നിയമസഭാ മണ്ഡലത്തിൽ നിന്നും മത്സരിച്ച സുര്‍ജേവാല ബിജെപിയുടെ ലീലാ റാമിനോടാണ് 530ഓളം വോട്ടുകള്‍ക്ക് പരാജയപ്പെട്ടത്.
വിനയത്തോടെ കൈതാലിലെ ജനങ്ങളുടെ വിധി അംഗീകരിക്കുന്നുവെന്നും ആത്മപരിശോധന നടത്തുമെന്നും അദ്ദേഹം പ്രതികരിച്ചു. നേരത്തെ രണ്ടു തവണ രണ്‍ദീപ് സിങ് സുര്‍ജേവാല വിജയിച്ച് മണ്ഡലമാണ് കൈതാൽ.
നിലവിൽ ഹരിയാനയിൽ മികച്ച പ്രകടനം നടത്താൻ കോൺഗ്രസിനായിട്ടുണ്ട്. സംസ്ഥാനത്ത് 90 സീറ്റുകളിൽ നടക്കുന്ന തെരഞ്ഞെടുപ്പിൽ 32 സീറ്റുകൾ പാർട്ടിക്ക് ലീഡുണ്ട്. ഭരണത്തുടർച്ച പ്രതീക്ഷിച്ച ബിജെപിക്ക് 40 സീറ്റുകളിലും ജെജെപിക്ക് 10 സീറ്റുകളും ലീഡുണ്ട്.
