തിരുവനന്തപുരം: രാഷ്ട്രീയ കേരളം ഉറ്റുനോക്കുന്ന ഉപതെരഞ്ഞെടുപ്പിന്റെ ഫലം ഇന്നറിയാം. അഞ്ചു മണ്ഡലങ്ങളിലേക്കു നടന്ന ഉപതെരഞ്ഞെടുപ്പിന്റെ വോട്ടെണ്ണല് ഇന്നു രാവിലെ എട്ടിന് ആരംഭിക്കും. ആദ്യ ഫലസൂചനകള് രാവിലെ എട്ടരയോടെ അറിയാന് കഴിയും. രണ്ടുമണിയോടെ ഫലപ്രഖ്യാപനം ഉണ്ടായേക്കുമെന്നാണ് റിപ്പോര്ട്ട്.
തപാല് വോട്ടുകളായിരിക്കും ആദ്യം എണ്ണുക. വോട്ടെണ്ണല് പൂര്ത്തിയായ ശേഷം ഓരോ മണ്ഡലത്തിലെയും അഞ്ചു പോളിംഗ് ബൂത്തുകളിലെ വിവി പാറ്റ് രസീതുകള് എണ്ണി വോട്ടുകള് ഒത്തു നോക്കിയതിനു ശേഷം മാത്രമേ ഫലം ഔദ്യോഗികമായി പ്രഖ്യാപിക്കുകയുള്ളു.