കൊട്ടാരക്കര: ഇന്നലെ വൈകുന്നേരം പെയ്ത കനത്ത മഴയില്‍ കൊട്ടാരക്കരയില്‍ പല പ്രദേശങ്ങളിലും വെള്ളം കയറി. മണ്ണിടിച്ചില്‍ ഉണ്ടായതിനെ തുടര്‍ന്ന് പുലമണ്‍ തോട് നിറഞ്ഞു കവിഞ്ഞു. ഇതേ തുടര്‍ന്ന് പുലമണ്‍ തോട് ജംഗ്ഷനില്‍ വെള്ളം കയറി.
കൊട്ടാരക്കരയിലെ ഏറ്റവും പ്രധാനപ്പെട്ട തോടുകളിലൊന്നാണ് പുലമണ്‍ തോട്. പുലമണ്‍ തോട് നിറഞ്ഞു കവിഞ്ഞതോടെ കടകളിലും വ്യാപാര സ്ഥാപനങ്ങളിലും വെള്ളം കയറി. മണ്ണിടിച്ചിലും ഒപ്പം തോട് നിറഞ്ഞു കവിയുകയും ചെയ്തത് കടകളിലും മറ്റും നാശനഷ്ടമുണ്ടാക്കിയിട്ടുണ്ട്.
പ്രൈവറ്റ് സ്റ്റാന്‍ഡിലും വെള്ളം കയറിയ അവസ്ഥ ഉണ്ടായതോടെ യാത്രക്കാര്‍ ബുദ്ധിമുട്ടിലായി. പടിഞ്ഞാറ്റിന്‍കര, പാണ്ടി വയല്‍, ഈയം കുന്ന്, അയണിമൂട്, ത്രിക്കണ്ണ മംഗല്‍, എംസി റോഡില്‍ രവി നഗര്‍, ഫെയ്ത് ഹോം ജംഗ്ഷന്‍ എന്നിവിടങ്ങളിലെല്ലാം വെള്ളം കയറി.
