ബംഗളൂരു: കാമുകിയെ വിട്ട് തരണമെന്നാവശ്യപ്പെട്ട് ഫോണ് വിളിച്ച് ശല്യപ്പെടുത്തിയതിനെ തുടര്ന്ന് ഭര്ത്താവ് ഭാര്യയുടെ കാമുകനെ വിളിച്ചു വരുത്തി കുത്തി കൊലപ്പെടുത്തി. ബംഗളൂരുവിലെ ബൈദരഹള്ളിയിലാണ് സംഭവം. ബൈദരഹള്ളി സ്വദേശിയായ ട്രക്ക് ഡ്രൈവര് മണികണ്ഠയെ പോലീസ് അറസ്റ്റ് ചെയ്തു. മണികണ്ഠയുടെ ഭാര്യ രമ്യയുടെ മുന് കാമുകനായിരുന്ന തിമ്മഗൗഡ ആണ് കൊല്ലപ്പെട്ടത്. 11 വര്ഷം മുമ്പാണ് രമ്യയും മണികണ്ഠയും തമ്മില് വിവാഹിതരാകുന്നത്. ഇവര്ക്ക് പ്രായപൂര്ത്തിയാകാത്ത ഒരു മകളുണ്ട്. 2018 ലാണ് ഓട്ടോ ഡ്രൈവറായ തിമ്മഗൗഡ മണികണ്ഠ വീടിനടുത്തേക്ക് താമസത്തിന് വരുന്നത്. ആ സമയത്ത് മണികണ്ഠയുടെ ഭാര്യ രമ്യ തിമ്മ ഗൗഡയുമായി പ്രണയത്തിലായി. ഇത് മണികണ്ഠ അറിഞ്ഞിരുന്നില്ല.
വൈകാതെ രമ്യ ഭര്ത്താവിനെയും മകളെയും ഉപേക്ഷിച്ച് തിമ്മ ഗൗഡയ്ക്കൊപ്പം പോയി. പിന്നീട് ഈ വര്ഷം ഓഗസ്റ്റില് രമ്യ തിമ്മ ഗൗഡയെ ഉപേക്ഷിച്ച് മറ്റൊരു സുഹൃത്തിനൊപ്പം പോയി. എന്നാല് തിമ്മ ഗൗഡ കരുതിയത് രമ്യ ഭര്ത്താവിനടുത്തേക്ക് തിരിച്ച് പോയി എന്നാണ്. ഒക്ടോബര് 14 ന് രാത്രി ഒരു ബാറിലിരുന്ന് മദ്യപിക്കവെ തിമ്മ ഗൗഡ മണികണ്ഠയെ ഫോണില് വളിച്ച് ഭാര്യയെ തന്റെയൊപ്പം അയക്കണമെന്ന് ആവശ്യപ്പെട്ടു. 25 തവണയാണ് മണിക്കൂറുകള്ക്കുള്ളില് തിമ്മ ഗൗഡ മണികണ്ഠയുടെ ഫോണിലേക്ക് വിളിച്ചത്. ദേഷ്യം വന്ന് മണികണ്ഠ ആളൊഴിഞ്ഞ പ്രദേശത്തേക്ക് വരാന് ആവശ്യപ്പെട്ടു. ഇവിടെ എത്തിയ തിമ്മ ഗൗഡയെ മണികണ്ഠ കത്തികൊണ്ട് കുത്തി വീഴ്ത്തുകയായിരുന്നു.