തിരുവനന്തപുരം: പ്രതിപക്ഷനേതാവ് രമേശ് ചെന്നിത്തലയ്ക്കെതിരെ ഒളിയമ്പുമായി ഉന്നത വിദ്യാഭ്യാസ മന്ത്രി കെ.ടി.ജലീല്. പ്രമുഖ നേതാവിന്റെ മകന്റെ സിവില് സര്വ്വീസ് റാങ്ക് സംശാസ്പദമാണെന്ന് കെ ടി ജലീല് പറഞ്ഞു.
സിവില് സര്വീസ് പരീക്ഷയില് ഒന്നാം റാങ്കുകാരനേക്കാള് 122 മാര്ക്ക് പിന്നിലുള്ള ചെന്നിത്തലയുടെ മകന് അഭിമുഖ പരീക്ഷയില് ഒന്നാം റാങ്കുകാരനേക്കാള് 30 മാര്ക്ക് കൂടുതല് കിട്ടിയെന്ന് ജലീല് ആരോപിച്ചു. ഇതും അന്വേഷണ പരിധിയില് വരേണ്ടതല്ലേയെന്നും പിഎസ്സിയുടെ വിശ്വാസ്യത മാത്രം സംരക്ഷിച്ചാല് മതിയോ യുപിഎസ്സിയുടെ വിശ്വാസ്യതയും സംരക്ഷിക്കപ്പടേണ്ടതല്ലേയെന്നും ജലീല് പരിഹാസരൂപേണ ചോദിച്ചു.
മോഡറേഷനെയാണ് ചെന്നിത്തല മാര്ക്ക് ദാനമെന്ന് പറയുന്നത്. മോഡറേഷന് തീരുമാനിച്ചത് സിന്ഡിക്കേറ്റിലാണ്. ഇതിന്റെ ഗുണം നിരവധി വിദ്യാര്ഥികള്ക്ക് ലഭിച്ചിട്ടുണ്ടെന്നും അദ്ദേഹം ചൂണ്ടിക്കാട്ടി. മോഡറേഷന് നിര്ത്തലാക്കണമെന്ന നിലപാടുണ്ടെങ്കില് തുറന്നുപറയണമെന്നും ചെന്നിത്തല പറഞ്ഞു.