തൊടുപുഴ: നഗരത്തിലെ ബാറിനു സമീപം ഉണ്ടായ സംഘർഷം പരിഹരിക്കാൻ എത്തിയ പ്രിൻസിപ്പൽ എസ്ഐ എം.പി.സാഗർ ഉൾപ്പെടെ 2 പൊലീസുകാർക്ക് ആക്രമണത്തിൽ പരുക്കേറ്റു. സംഭവത്തിൽ രണ്ട് സൈനികർ ഉൾപ്പെടെ 4 പേർ അറസ്റ്റിൽ. തൊടുപുഴ കരിക്കോട് സ്വദേശികളായ പുത്തൻപുരയിൽ കൃഷ്ണകുമാർ (31), കാരക്കുന്നേൽ അരുൺ കെ. ഷാജി (28) , സഹോദരൻ അമൽ കെ. ഷാജി (23) കൃഷ്ണകുമാറിന്റെ ബന്ധു മങ്ങാട്ടുകവല തൊട്ടിപ്പറമ്പിൽ വിഷ്ണു (22) എന്നിവരാണ് അറസ്റ്റിലായത്.
സൈന്യത്തിൽ നഴ്സിങ് അസിസ്റ്റന്റാണ് കൃഷ്ണകുമാർ. അരുൺ കെ.ഷാജി സൈന്യത്തിൽ മെക്കാനിക്കാണ്. ഉത്തരേന്ത്യയിൽ ജോലി ചെയ്യുന്ന ഇവർ അവധിക്ക് നാട്ടിൽ എത്തിയതായിരുന്നു.