തിരുവനന്തപുരം: ഉള്ളിയുടെ വില നിയന്ത്രണിക്കാന്‍ നടപടിയുമായി സംസ്ഥാന ഭക്ഷ്യവകുപ്പ്. 40 ടണ്‍ ഉള്ളി വെള്ളിയാഴ്ച്ച കേരളത്തിലെത്തിക്കും. നാഫെഡ് വഴി നാസിക്കില്‍നിന്നാണ് ഉള്ളി വാങ്ങുന്നത്. സ്‌പ്ലൈക്കോ വഴി വില്‍ക്കുക കിലോ 45 രൂപ നിരക്കിലാണ്. ഉള്ളിക്കിപ്പോള്‍ കിലോയ്ക്ക് 50 രൂപയ്ക്ക് മുകളിലാണ് വിപണിവില. വരും ദിവസങ്ങളിൽ കൂടുതൽ ഉള്ളി എത്തിക്കാനും ഭക്ഷ്യവകുപ്പ് ശ്രമിക്കുന്നുണ്ട്. പ്രമുഖ ഉള്ളി ഉത്പാദക സംസ്ഥാനങ്ങളായ കർണാടക, മഹാരാഷ്ട്ര, മധ്യപ്രദേശ്, ഗുജറാത്ത്, രാജസ്ഥാൻ, ഉത്തർപ്രദേശ്, ബിഹാർ എന്നിവിടങ്ങളിൽ കനത്ത മഴ കാരണം വിളനാശമുണ്ടായതാണ് വില ഉയരാനിടയാക്കിയത്.
