ക്രിക്കറ്റ് താരം വിരാട് കോലിയുടെയും നടി അനുഷ്‌ക ശര്‍മയുടെയും ചിത്രങ്ങളാണ് ഇപ്പോള്‍ സമൂഹമാധ്യമങ്ങളില്‍ വൈറലായിരിക്കുന്നത്. താരദമ്പതികളുടെ ചിത്രങ്ങള്‍ ആരാധകര്‍ ഒരുപോലെ ഏറ്റെടുത്തിരിക്കുകയാണ്.
വെള്ളിയാഴ്ച നടന്ന ഇന്ത്യന്‍ സ്‌പോര്‍ട്‌സ് ഹോണേഴ്‌സ് 2019 ല്‍ പങ്കെടുക്കാന്‍ കോലിക്കൊപ്പം അനുഷ്‌കയും എത്തിയിരുന്നു. പരിപാടിയില്‍ പങ്കെടുക്കാനായി ഒരുങ്ങി നില്‍ക്കുന്ന ചിത്രം ഇന്‍സ്റ്റഗ്രാമിലൂടെയാണ് താരങ്ങള്‍ പങ്കുവെച്ചത്.
ഫോര്‍മല്‍ സ്‌റ്റൈലില്‍ സ്യൂട്ടായിരുന്നു കോലി ധരിച്ചത്. എന്നാല്‍ സ്റ്റൈലിഷ് ഔട്ട്ഫിറ്റിലാണ് അനുഷ്‌ക തിളങ്ങിയത്. ഒരു ലൗവ് ചിഹ്നമായിരുന്നു ചിത്രത്തിനു തലക്കെട്ടായി അനുഷ്‌ക കുറിച്ചത്. 10 ലക്ഷത്തിലധികം ലൈക്കുകള്‍ ചിത്രത്തിനു കിട്ടി.
