ന്യൂഡല്ഹി: ജമ്മുകാശ്മീരിന് പ്രത്യേക പദവി നല്കിയിരുന്ന ഭരണഘടനയുടെ 370-ാം അനുച്ഛേദം റദ്ദാക്കിയ നടപടിക്കെതിരെ സമര്പ്പിക്കപ്പെട്ട ഹര്ജികള് സുപ്രീംകോടതി ഇന്ന് പരിഗണിക്കും. കാശ്മീരിലെ രാഷ്ട്രപതി ഭരണത്തിനെതിരെയും താഴ്വരയില് ഏര്പ്പെടുത്തിയിട്ടുള്ള നിയന്ത്രണങ്ങള്ക്ക് എതിരെയുമുള്ള ഹര്ജികളും ഇന്ന് പരിഗണിക്കും.
ചീഫ് ജസ്റ്റിസ് രഞ്ജന് ഗോഗോയ്, ജസ്റ്റിസുമാരായ എസ്.എ. ബോബ്ഡെ, എസ്. അബ്ദുള് നസീര് എന്നിവരുള്പ്പെട്ട ബെഞ്ചാവും ഹര്ജികള് പരിഗണിക്കുക. ജമ്മുകാശ്മീര് മുന് മുഖ്യമന്ത്രി ഗുലാം നബി ആസാദ് അടക്കമുള്ളവര് സമര്പ്പിച്ചിട്ടുള്ള ഹര്ജികളാണ് സുപ്രീംകോടതി പരിഗണിക്കുക.