തിരുവനന്തപുരം: മെഡിക്കല് കോളേജ് ഡോക്ടര്മാരുടെ വിരമിക്കല് പ്രായം ഉയര്ത്തിയേക്കും. വിരമിക്കല് പ്രായം 62 ല് നിന്ന് 65 വയസാക്കാനാണ് സര്ക്കാര് നീക്കം. ധനവകുപ്പിന്റെ പരിഗണനയിലുളള വിഷയത്തില് നയപരമായ തീരുമാനം വേണ്ടതിനാല് ഇടതുമുന്നണി യോഗത്തില് കൂടി ചര്ച്ച ചെയ്താകും അന്തിമ തീരുമാനം എടുക്കുക.
2017ലാണ് മെഡിക്കല് കോളേജ് ഡോക്ടര്മാരുടെ വിരമിക്കല് പ്രായം 60ല് നിന്ന് 62 ആക്കി ഉയര്ത്തിയത്. ഒരു വര്ഷത്തിനുശേഷം വീണ്ടും വിരമിക്കല് പ്രായം ഉയര്ത്താനാണ് സര്ക്കാര് നീക്കം. വിദഗ്ധരായ ഡോക്ടര്മാര് പലരും വിരമിക്കുന്നത് മെഡിക്കല് കോളേജ് ആശുപത്രികളിലെ സേവനത്തെ ബാധിക്കുമെന്നാണ് സര്ക്കാര് പറയുന്നത്.