മലപ്പുറം: പതിനെട്ട് ദിവസം നീണ്ടു നിന്ന തെരച്ചിലിനൊടുവില് പുത്തുമലയിലെ രക്ഷാദൗത്യം ഇന്ന് അവസാനിപ്പിക്കും. കാണാതായവരുടെ ബന്ധുക്കളുമായി നടത്തിയ ചര്ച്ചയിലാണ് തെരച്ചില് അവസാനിപ്പിക്കാന് തീരുമാനിച്ചത്. അതേസമയം പതിനൊന്ന് പേരെ കൂടി കണ്ടെത്താനുള്ള മലപ്പുറം കവളപ്പാറയില് ഇന്നും തെരച്ചില് തുടരും.
പുത്തുമലയില് നിന്ന് കഴിഞ്ഞ ദിവസം ദേശീയ ദുരന്തനിവാരണ സേന മടങ്ങിയിരുന്നു. ഹംസ എന്നയാളെ കണ്ടെത്താനുള്ള തെരച്ചിലാണ് ഇന്ന് പുത്തുമലയില് നടക്കുക. കാണാതായ 17 പേരില് 12 പേരുടെ മൃതദേഹമാണ് പുത്തുമലയില് ഇതുവരെ കണ്ടെത്താനായത്. മലപ്പുറം കവളപ്പാറയില് പതിനൊന്നു പേരെയാണ് ഇനി കണ്ടെത്താനുള്ളത്.