മമ്മൂട്ടി നായകനായ ഉണ്ട സിനിമ ഈദിന് റിലീസ് ചെയ്യില്ല. പുതിയ റിലീസ് തിയതി പ്രഖ്യാപിച്ചു. ജൂണ് 14 ന് സിനിമ റിലീസ് ചെയ്യുമെന്ന് സിനിമയുടെ അണിയറ പ്രവര്ത്തകര് ഔദ്യോഗികമായി അറിയിച്ചു. സെന്സറിങുമായി ബന്ധപ്പെട്ട പ്രശ്നങ്ങള് കാരണമാണ് റിലീസ് തിയതി മാറ്റിയതെന്നാണ് പറയുന്നത്.
ഛത്തീസ്ഗഡിലേക്ക് തെരഞ്ഞെടുപ്പ് ഡ്യൂട്ടിക്ക് പോകുന്ന കേരള പൊലീസ് സംഘമായാണ് ഉണ്ടയില് മമ്മൂട്ടിയും സംഘവും പ്രത്യക്ഷപ്പെടുന്നത്. ജെമിനി സ്റ്റുഡിയോസിന്റെ ബാനറില് കൃഷ്ണന് സേതുകുമാര് നിര്മിക്കുന്ന ഉണ്ടയില് സബ് ഇന്സ്പെക്ടര് മണി എന്ന കഥാപാത്രമാണ് മമ്മൂട്ടി കൈകാര്യം ചെയ്യുന്നത്. ഖാലിദ് റഹ്മാന് സംവിധാനം ചെയ്യുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് ഹര്ഷാദാണ്. ആസിഫ് അലി, വിനയ് ഫോര്ട്ട്, ഷൈന് ടോം ചാക്കോ, കലാഭവന് ഷാജോണ്, ജേക്കബ് ഗ്രിഗറി, അര്ജുന് അശോകന്, ദിലീഷ് പോത്തന് എന്നിവരാണ് ഉണ്ടയിലെ മറ്റു കഥാപാത്രങ്ങളെ അവതരിപ്പിച്ചിരിക്കുന്നത്.