ന്യൂഡൽഹി: കോവിഡ് ബാധിച്ച് രാജ്യത്ത് 64 ഡോക്ടർമാർ ഉൾപ്പെടെ 155 ആരോഗ്യപ്രവർത്തകർ മരിച്ചെന്ന് കേന്ദ്രസർക്കാർ. സെപ്റ്റംബർ 11 വരെയുള്ള കണക്കാണ് പാർലമെന്‍റിൽ കേന്ദ്രം പുറത്തുവിട്ടത്.
രാജ്യത്ത് ഡോക്ടർമാർ, നഴ്സുമാർ, ആശാ വർക്കർമാർ മുതൽ നിരവധി ആരോഗ്യപ്രവർത്തകർക്ക് ഇതുവരെ കോവിഡ് ബാധിച്ചതായി മന്ത്രി അശ്വനി ചൗബെ പറഞ്ഞു. ആരോഗ്യം സംസ്ഥാന വിഷയമാണ്. അതിനാൽ ഇത്തരം വിവരങ്ങൾ കേന്ദ്ര തലത്തിലുണ്ടാവില്ലെന്നും അദ്ദേഹം രാജ്യസഭയിൽ പറഞ്ഞു.
