ബെതുല്‍: കൗമാരക്കാരി കൂട്ടബലാത്സംഗത്തിന് ഇരയായി. സഹോദരനോടൊപ്പം മധ്യപ്രദേശിലെ ബെതുലിലെ വീട്ടിലേക്ക് പോകുകയായിരുന്ന പെണ്‍കുട്ടിയെ ഏഴ് പേര്‍ ചേര്‍ന്നാണ് ബലാത്സംഗം ചെയ്തത്. പ്രതികളില്‍ മൂന്ന് പേര്‍ പ്രായപൂര്‍ത്തിയാകാത്തവരാണ്. ബുധനാഴ്ച രാത്രിയോടെയാണ് സംഭവം.
പെണ്‍കുട്ടി സഹോദരനോടൊപ്പം ബൈക്കില്‍ സഞ്ചരിക്കുമ്ബോള്‍ പ്രതികള്‍ ഇവരെ തടഞ്ഞു. തുടര്‍ന്ന് സഹോദരനെ ആക്രമിച്ച്‌ സമീപത്തെ കിണറ്റിലേക്ക് എറിഞ്ഞു. പിന്നീട് പെണ്‍കുട്ടിയെ ബലാത്സംഗം ചെയ്തു.
പ്രതികള്‍ പോയിക്കഴിഞ്ഞ് കിണറ്റില്‍ നിന്നും സഹോദരനെ രക്ഷിച്ച പെണ്‍കുട്ടി വ്യാഴാഴ്ച പുലര്‍ച്ചയോടെയാണ് വീട്ടിലെത്തുന്നത്.
പിന്നീട് കോട്വാലി പോലീസ് സ്‌റ്റേഷനിലെത്തി പരാതി നല്‍കി.
സംഭവത്തില്‍ പ്രായപൂര്‍ത്തിയാകാത്ത മൂന്ന് പേര്‍ ഉള്‍പ്പടെ അഞ്ച് പേരെ പോലീസ് അറസ്റ്റ് ചെയ്തു. രണ്ട് പേരെ കണ്ടെത്താനുള്ള ശ്രമത്തിലാണ് പോലീസ്. പ്രതികളില്‍ നാലു പേര്‍ 22നും 24നും ഇടയില്‍ പ്രായമുള്ളവരാണ്.
