തിരുവനന്തപുരം: വലയ സൂര്യഗ്രഹണം ഇന്ന്. വ്യാഴാഴ്ച രാവിലെ എട്ടു മണി മുതല് 11 മണി വരെയാണ് സൂര്യഗ്രഹണം ദൃശ്യമാകുക. സൂര്യഗ്രഹണം നിരീക്ഷിക്കാന് വിപുലമായ ഒരുക്കങ്ങളാണ് കേരള ശാസ്ത്ര സാങ്കേതിക വകുപ്പ് നടത്തിയിരിക്കുന്നത്.
സൗദി അറേബ്യ മുതല് ഗുവാം വരെയുള്ള പ്രദേശങ്ങളിലാണ് 26-ലെ ഗ്രഹണം കാണാന് കഴിയുക. കേരളത്തില് കാസര്കോട്, വയനാട് കണ്ണൂര്, കോഴിക്കോട് ജില്ലകളിലും മലപ്പുറത്തിന്റെയും പാലക്കാടിന്റെയും ഭൂരിഭാഗം പ്രദേശങ്ങളിലും ഗ്രഹണം കാണാം. തൃശൂര് മുതല് തിരുവനന്തപുരം വരെയുള്ള ജില്ലകളില് ഭാഗികമായേ കാണാന് സാധിക്കൂ.