കോഴിക്കോട്: ഏലത്തൂരില് സിപിഎം പ്രവര്ത്തകരുടെ മര്ദനത്തെ തുടര്ന്ന് തീകൊളുത്തി ആത്മഹത്യയ്ക്ക് ശ്രമിച്ച ഓട്ടോഡ്രൈവര് മരിച്ച സംഭവത്തില് ഒരാളെ കൂടി അറസ്റ്റ് ചെയ്തു. സിപിഎം അനുഭാവി മുരളിയെയാണ് അറസ്റ്റ് ചെയ്തത്. സിപിഎം പ്രവര്ത്തകര് മര്ദ്ദിച്ചതിന് പിന്നാലെ ബിജെപി പ്രവര്ത്തകനായ രാജേഷ് ഓട്ടോറിക്ഷയില് സൂക്ഷിച്ചിരുന്ന പെട്രോളൊഴിച്ച് ആത്മഹത്യക്ക് ശ്രമിക്കുകയായിരുന്നു. ഗുരുതരമായി പൊള്ളലേറ്റ് ബീച്ച് ആശുപത്രിയില് പ്രവേശിപ്പിച്ച രാജേഷിനെ പിന്നീട് മെഡിക്കല് കോളേജ് ആശുപത്രിയിലേക്ക് മാറ്റുകയായിരുന്നു.
രാജേഷ് ഏലത്തൂരില് ഓട്ടോറിക്ഷ ഓടിക്കുന്നത് സിഐടിയു അംഗങ്ങളായ ഓട്ടോറിക്ഷ തൊഴിലാളികള് വിലക്കിയിരുന്നു. ഇതേ ചൊല്ലിയുള്ള തര്ക്കമാണ് മര്ദ്ദനത്തില് കലാശിച്ചത്. കേസില് അറസ്റ്റിലായ രണ്ട് സിപിഎം പ്രാദേശിക നേതാക്കള് റിമാന്ഡിലാണ്. ശ്രീലേഷ് ഷൈജു എന്നിവരാണ് റിമാന്ഡില് കഴിയുന്നത്. കേസില് സിപിഎം, സിഐടിയു പ്രവര്ത്തകര് ഉള്പ്പടെ മുപ്പതോളം പേര് പ്രതികളാണ്.