ഓക്‌ലൻഡ്: ന്യൂസിലൻഡിലെ പള്ളികളിലുണ്ടായ ആക്രമണത്തില്‍ ഒരു ഇന്ത്യക്കാരന്‍ കൊല്ലപ്പെട്ടതായി സ്ഥിരീകരണം. സംഭവത്തിൽ രണ്ട് പേര്‍ക്ക് പരുക്കേറ്റെന്നും ആറ് ഇന്ത്യക്കാരെ കാണാതായെന്നും വിദേശകാര്യമന്ത്രാലയം സ്ഥിരീകരിച്ചു. ഗുജറാത്ത് സ്വദേശി മുഹമ്മദ് ജുനത്ത് ഖാരെയാണ് കൊല്ലപ്പെട്ടത്.
കാണാതായവരില്‍ ഒരു മലയാളിയുമുണ്ടെന്നാണ് റിപ്പോർട്ട്. എന്നാൽ ഇക്കാര്യത്തിൽ സ്ഥിരീകരണമായിട്ടില്ല.വെള്ളിയാഴ്ചയുണ്ടായ ആക്രമണത്തില്‍ 49 പേര്‍ കൊല്ലപ്പെട്ടിരുന്നു. സംഭവത്തിന് പിന്നാലെ ഒന്‍പത് ഇന്ത്യാക്കാരെ കാണാനില്ലെന്ന് ഹൈക്കമ്മീഷണര്‍ ട്വിറ്റ് ചെയ്തിരുന്നു.
പരുക്കേറ്റ രണ്ട് ഇന്ത്യക്കാരും ആശുപത്രിയില്‍ ചികിത്സയിലാണ്.കാണാതായ ഇന്ത്യക്കാരെ കുറിച്ച് വിവരങ്ങളൊന്നും ലഭിച്ചിട്ടില്ല. ഇക്കാര്യം വിദേശകാര്യമന്ത്രാലയം ഔദ്യോഗികമായി സ്ഥീരീകരിച്ചിട്ടുമില്ല
അതേ സമയം പ്രധാന കുറ്റവാളി 28 കാരനായ ആസ്‌ത്രേലിയക്കാരൻ ബ്രെൻഡൻ ഹാരിസൺ ടോറന്റിനെ കോടതിയിൽ ഹാജരാക്കി ഏപ്രിൽ 5 വരെ റിമാൻഡ് ചെയ്തു.
