ഇന്ത്യൻ പൈലറ്റ് വിങ് കമാൻഡർ അഭിനന്ദൻ
വർധമാൻ വാഗയിൽ;പാക് സൈന്യം അതിർത്തിയിൽ എത്തിച്ചു. വ്യോമസേനാ ഗ്രൂപ്പ് കമാൻഡർ ജെ ഡി കുര്യൻ അഭിനന്ദനെ സ്വീകരിക്കും. അഭിനന്ദൻ വർധമാന്‍റെ കാര്യത്തിൽ യാതൊരു ഉപാധിക്കും തയാറല്ലെന്ന് കേന്ദ്രസർക്കാർ നേരത്തെ വ്യക്തമാക്കിയിരുന്നു. അഭിനന്ദൻ വർധമാനെ ജനീവ ഉടന്പടിയുടെ അടിസ്ഥാനത്തിൽ വിട്ടയക്കണം. അഭിനന്ദനെ കസ്റ്റഡിയിൽ വയ്ക്കുന്നത് ഇന്ത്യയും പാക്കിസ്ഥാനും തമ്മിലുള്ള ഉടന്പടികളുടെ ലംഘനമാണെന്നും എത്രയും വേഗം അദ്ദേഹത്തെ വിട്ടയയ്ക്കണമെന്നും ഇന്ത്യ ആവശ്യപ്പെട്ടിരുന്നു. ഇന്ത്യൻ വ്യോമാതിർത്തി ലംഘിച്ചു പാക്കിസ്ഥാൻ ബുധനാഴ്ച നടത്തിയ വ്യോമാക്രമണം ചെറുക്കുന്നതിനിടെ ഇന്ത്യയുടെ മിഗ് 21 വിമാനം തകർന്നാണ് പൈലറ്റായ അഭിനന്ദൻ വർധമാൻ പാക്കിസ്ഥാന്‍റെ പിടിയിലായത്.
