ലഖ്നൗ: ബുലന്ദ്ഷഹറിലെ ഇന്സ്പെക്ടറുടെ കൊലപാതകത്തിലെ മുഖ്യപ്രതി അറസ്റ്റില്. ബജ്രംഗ് ദള് നേതാവ് യോഗേഷ് രാജ് ആണ് അറസ്റ്റിലായത്. പ്രതി രണ്ട് ദിവസമായി ഒളിവില് കഴിയുകയായിരുന്നു.
പൊലീസ് ഇന്സ്പെക്ടറായ സുബോധ് കുമാര് മൂന്ന് ദിവസം മുമ്പാണ് ആള്ക്കൂട്ട ആക്രമണത്തില് വെടിയേറ്റ് കൊല്ലപ്പെട്ടത്. പശുവിന്റെ ജഡം കണ്ടെത്തിയതിനെ തുടര്ന്നുണ്ടായ കലാപത്തില് 400 പേരോളം വരുന്ന ആള്ക്കൂട്ടത്തെ നിയന്ത്രിക്കാന് പോയതായിരുന്നു പൊലീസ് ഇന്സ്പെക്ടറായ സുബോധ് കുമാര് സിങ്. ആള്ക്കൂട്ടത്തെ നേരിടുന്നതിനിടെ കല്ലേറുണ്ടാകുകയും അതിനിടയില് വെടിയേറ്റാണ് സുബോധ് സിങ് കൊല്ലപ്പെടുന്നത്.