ചെന്നൈ: തമിഴ്നാട്ടിലെ വെല്ലൂര്‍ ലോക്സഭാ സീറ്റിലേക്ക് നടന്ന ഉപതിരഞ്ഞെടുപ്പില്‍ ഡിഎംകെയുടെ കതിര്‍ ആനന്ദ് വിജയിച്ചു. വാശിയേറിയ മല്‍സരത്തില്‍ എഐഎഡിഎംകെ സഖ്യത്തില്‍ മല്‍സരിച്ച് ന്യൂജസ്റ്റിസ് പാര്‍ട്ടിയുടെ എ സി ഷണ്‍മുഖത്തെ 8,460 വോട്ടുകള്‍ക്കാണ് പരാജയപ്പെടുത്തിയത്. കതിര്‍ ആനന്ദിന്റെ നേതൃത്വത്തില്‍ വോട്ടര്‍മാര്‍ക്ക് പണം നല്‍കി എന്ന ആരോപണത്തെ തുടര്‍ന്നാണ് മെയില്‍ നടക്കേണ്ട തിരഞ്ഞെടുപ്പ് മാറ്റിവച്ചത്.
ഈ വിജയത്തോടെ ഡിഎംകെയ്ക്ക് ലോക്സഭയില്‍ 38 എംപിമാരായി. എഐഎഡിഎംകെയ്ക്ക് ഒരു എംപി മാത്രമാണുള്ളത്. 14,32,555 വോട്ടര്‍മാരുള്ള മണ്ഡലത്തില്‍ 10,24, 352 പേരാണ് വോട്ട് ചെയ്തത്.
