തിരുവനന്തപുരം: പ്രളയാനന്തര കേരളത്തിന്റെ പുനര്നിര്മാണത്തിന് പണം കണ്ടെത്താന് ഏര്പ്പെടുത്തിയ പ്രളയസെസ് ഇന്ന് മുതല് പ്രാബല്യത്തില്. 12%, 18%, 28% ജിഎസ്ടി നിരക്കുകള് ബാധകമായ 928 ഉല്പന്നങ്ങള്ക്ക് രണ്ട് വര്ഷത്തേക്കാണ് സെസ് ഏര്പ്പെടുത്തിയിരിക്കുന്നത്. പ്രളയസെസ് ഏര്പ്പെടുത്തുന്നതു വഴി 1200 കോടി രൂപ സ്വരൂപിക്കാമെന്നാണ് സര്ക്കാരിന്റെ കണക്കുകൂട്ടല്. പ്രളയസെസിന്റെ മറവില് വിലക്കയറ്റം ഉണ്ടാക്കാന് ശ്രമിച്ചാല് കര്ശന നടപടി സ്വീകരിക്കുമെന്ന് ധനമന്ത്രി തോമസ് ഐസക് വ്യക്തമാക്കി
12 ശതമാനം ,18 ശതമാനം, 28 ശതമാനം എന്നീ ജിഎസ്ടി നിരക്കുകള് ബാധകമായ 928 ഉത്പന്നങ്ങള്ക്ക് ഒരു ശതമാനമാണ് സെസ് ഏര്പ്പെടുത്തിയിരിക്കുന്നത്. നിത്യോപയോഗ സാധനങ്ങളായ അരി, ഉപ്പ്, പഞ്ചസാര, പച്ചക്കറി തുടങ്ങിയവക്ക് സെസ് ബാധകമല്ല. ജിഎസ്ടിക്ക് പുറത്തുള്ള പെട്രോള്, ഡീസല്, മദ്യം, ഭൂമി വില്പ്പന എന്നിവയ്ക്കും സെസ് ഏർപ്പെടുത്തിയിട്ടില്ല. കാര്, ഇരുചക്ര വാഹനങ്ങള്, ഗൃഹോപകരണങ്ങള്, മൊബൈല് ഫോണ്, സിമന്റ, പെയിന്റ് എന്നിവയ്ക്കെല്ലാം ഒരു ശതമാനം വില കൂടും. ഗ്രാമീണ റോഡുകളുടെ നിർമാണവും നവീകരണവുമാണ് സെസിൽ നിന്ന് ലഭിക്കുന്ന തുക കൊണ്ട് ലക്ഷ്യമിടുന്നത്.