തിരുവനന്തപുരം യൂണിവേഴ്സിറ്റി കോളേജില് എസ്.എഫ്.ഐ പ്രവര്ത്തകന് അഖിലിന് കുത്തേറ്റ സംഭവത്തില് പ്രതികരണവുമായി സംവിധായകന് ആഷിഖ് അബു. “വിപരീത ശബ്ദങ്ങളെ ബഹുമാനിക്കാതെ ഒരു ജനാധിപത്യ സംവിധാനത്തിനും നിലനില്പ്പില്ല. കത്തിമുനയില് സ്വാതന്ത്ര്യവും ജനാധിപത്യവും സോഷ്യലിസവും ഇല്ല. തെറ്റുതിരുത്തുക. പഠിക്കുക. പോരാടുക” ആഷിഖ് ഫെയ്സ്ബുക്കില് കുറിച്ചു.
ഇന്നലെയാണ് തിരുവനന്തപുരം യൂണിവേഴ്സിറ്റി കോളേജിലുണ്ടായ സംഘര്ഷത്തില് അഖിലിന് കുത്തേറ്റത്. അഖില് ഉള്പ്പെടെ ഒരു സംഘം വിദ്യാര്ഥികള് കാന്റീനില് ഒത്തുചേര്ന്ന് പാട്ടു പാടിയിരുന്നു. ഇത് എസ്.എഫ്.ഐ പ്രവര്ത്തകര് ചോദ്യം ചെയ്തതാണ് സംഘര്ഷത്തില് കലാശിച്ചത്.
അഖിലിനെ കുത്തിയതിന് പിന്നാലെ വലിയ പ്രതിഷേധമാണ് കോളേജിലെ എസ്.എഫ്.ഐ നേതൃത്വത്തിനെതിരെ വിദ്യാര്ത്ഥികള് ഉയര്ത്തിയത്.