എണ്ണ വിതരണ നിയന്ത്രണത്തിന് റഷ്യ ഒഴികെയുള്ള മറ്റെല്ലാ രാജ്യങ്ങളും പിന്തുണ അറിയിച്ചതായി സൗദി അറേബ്യ. ഇക്കാര്യത്തില് റഷ്യയുമായുള്ള അവസാന ഘട്ട ചര്ച്ച പുരോഗമിക്കുകയാണ്. കരാര് പുതുക്കുമെന്ന വാര്ത്തകള്ക്കിടെ എണ്ണ വില വീണ്ടും ഉയരുകയാണ്.
എണ്ണ വിതരണ നിയന്ത്രണം ജൂണില് അവസാനിക്കും. ഇതിനു മുന്നോടിയായി കരാര് പുതുക്കാനാണ് ഒപെക് രാജ്യങ്ങളുടെ ആലോചന. സംഘടനയെ പുറമെ നിന്ന് പിന്തുണക്കുന്ന പ്രധാന എണ്ണോത്പാദകരാണ് റഷ്യ.കരാര് വീണ്ടും പുതുക്കണമെന്ന കാര്യത്തില് റഷ്യക്ക് അഭിപ്രായ വ്യത്യാസമുണ്ട് . ഇത് ചര്ച്ച ചെയ്യാനാണ് സൗദി-റഷ്യ ഊര്ജ മന്ത്രിമാരുടെ യോഗം. റഷ്യക്ക് തീരുമാനിക്കാന് സമയമുണ്ടെന്നും സൗദി ഊര്ജ മന്ത്രി പറഞ്ഞു. റഷ്യ പിന്മാറിയലും ഉത്പാദന നിയന്ത്രണം തുടരാനാണ് ഉത്പാദക രാഷ്ട്രങ്ങളുടെ കൂട്ടായ്മയുടെ തീരുമാനം.