ന്യൂഡല്‍ഹി: മഹാത്മാ ഗാന്ധിയുടെ ഘാതകന്‍ നാഥുറാം ഗോഡ്സെ രാജ്യസ്നേഹിയായിരുന്നെന്ന് ബിജെപി സ്ഥാനാര്‍ഥി പ്രഗ്യ സിംഗിന്‍റെ പ്രസ്താവന തള്ളി ബിജെപി. ബിജെപിയുടെ നിലപാടല്ല പ്രജ്ഞ പറഞ്ഞതെന്ന് പാര്‍ട്ടി വക്താവ് ജി.വി.എല്‍. നരസിംഹ റാവു പറഞ്ഞു.
പ്രഗ്യയുടെ പ്രസ്താവനയെ പാര്‍ട്ടി അപലപിക്കുന്നതായും പ്രസ്താവന പിന്‍വലിച്ച്‌ അവര്‍ മാപ്പു പറയാന്‍ തയാറാകണമെന്നും നരസിംഹ റാവു ആവശ്യപ്പെട്ടു. ഇക്കാര്യത്തില്‍ പ്രഗ്യ സിംഗിനോട് വിശദീകരണം തേടിയതായും അദ്ദേഹം വ്യക്തമാക്കി.
