ന്യൂഡല്ഹി: വയനാട്ടില് മത്സരിക്കുന്ന കോണ്ഗ്രസ് അധ്യക്ഷന് രാഹുല് ഗാന്ധി ഏപ്രില് നാലിന് നാമനിര്ദ്ദേശ പത്രിക സമര്പ്പിക്കും. രാഹുല് ഗാന്ധിയുടെ സൗകര്യം കണക്കിലെടുത്താണ് വ്യാഴാഴ്ചത്തേയ്ക്ക് പത്രികാസമര്പ്പണം നീട്ടിവെക്കുന്നതെന്നാണ് റിപ്പോര്ട്ട്.
രണ്ടാം തീയതി ചൊവ്വാഴ്ച കോണ്ഗ്രസിന്റെ പ്രകടനപത്രിക പുറത്തിറക്കുന്ന ചടങ്ങ് ദില്ലിയില് പാര്ട്ടി ആസ്ഥാനത്ത് നടക്കുന്നതിനാല് ബുധനാഴ്ച മാത്രമേ രാഹുലിന് കേരളത്തില് എത്താനാകൂ. വ്യാഴാഴ്ചയാണ് പത്രിക സമര്പ്പിക്കാനുള്ള അവസാന ദിവസം. അഞ്ചിന് സൂക്ഷ്മ പരിശോധന. എട്ടാം തീയതി വരെ പത്രിക പിന്വലിക്കാം.